نكت مغربية

هادا واحد بولحيا دخل لواحد الريسطورا (مطعم) وهو يغوت ويقول
كوولشي ياكل على حسابي ، العالم ناض كاياكل والشهيوات خارجين ، وتاهو ناض كاياكل
وملي سالا من الماكلا مشا للحمام وحسن ديك اللحية ، وملي كان خارج قال ، الله يخلف على بولحيا :) 

---

هادو شي رجال جالسين ف القهوة، ناض واحد قال ليهوم: اللي كيخاف من مرتو ينوض يجلس اللور.
ناضوا كاملين إلا واحد. سولوه: نتا ما كاتخافش من مرتك؟
قال ليهوم: راه قالت لي سير للقهوة وما تحركش حتى نجي 

---

هادا واحد غير دخل الامتحان ديال الباكالوريا و دغية خرج.
قالو ليه: مالك خرجتي دغية؟
قال ليهوم: قال ليا الوالد جي نتا اللول 

---

واحد راسو كبير ديما واحد لبرهوش كايقول ليه ناري كون كنتي ملك... ديما .. واحد نهار شدو قال ليه اش هايطرا كون كنت ملك.. قال ليه الدرهم هاتكون قد الصينية 

---

‎واحد طبيب ديال العينين من كلخستان دار عملية لواحد المعمى باش يولي يشوف.. ملي سالا العملية وفاتو البنج حيد ليه الفاصما و هاز يدو و سرح صبعانو و سول المريض : شحال هادو؟ قاليه المريض : ماعرفتش ماكانشوف والو؟ هز الطبيب يديه بجوج وسولو شحال هادو؟ قاليه راه ماكانشوف والو.. هو يجي الطبيب و شد المريض من ودنو و قاليه ...: شنو هادي...؟ قاليه ودن ! قاليه أوف خلعتيني أ صاحبي تسحابني العملية ماصدقاتش

---

‎هادا واحد مسموم مشى لواحد الجنازة و بدا يبكي يبكي يبكي. سولوه الناس: واش كتعرف هادا اللي مات؟قال ليهم: لا، و لكن سمعت بأن البكا كيعدب الميت 

---

واحد السيد كان غادي وخرج ليه واحد الجن قاليه شبيك لبيك عبدك بين إيديك قول 3 أمنيات نحققهم ليك.. قاليه بغيت طوموبيل لوغان و طوموبيل لوغان و طوموبيل لوغان! قاليه الجن و علاش بغيتيهم 3 بحال بحال؟ قاليه باش نبيعهم و نشري 

غولف 

هدا واحد القواس مشا يتفرج فواحد لمباراة بده لماتش ب20دقيقة مشا يشرب هوا يتمركا لبيت منين رجع مشافوش فاش دارو الاعادة متماركاش 

هدا واحد ناشط مشى عند البقال ...أو قال ليه عندك قنبولة 180 ريال بغيت نضحك مع مالين الدار...جاوبو مول الحانوت...زيد درهم أو شري بوطة صغيرة هجرو ليهم 


واحد حشايشي شاف باه فالزنقة.. باه جا عندو قال ليه ماك مشفتنيش.. قال ليه شفتك غير معرفت فين 


دكتور ديال الحماق دخل عليهم لقى ثلاثة واحد طالع فوق الآخر قاليهم اشنو تتديرو ؟ قاليه الي تحت سكت سكت حنا عمارة ديال تروا زيطاج هي هي هي ..جمع يدو وعطاه بتصرفيقة يمكن هذه داخلة في شغلو..وهو لحمق الي تحت قال للفوقاني نزل أصاحبي شوف شكون الي تيدق في الباب يلاه ..

هذا واحد عروبي اول مرة كيشري لبورتابل هو يسمع برسائل (messages)هو يعطي بورطابل ديالو لصاحبو قاليه كتبلي رسالة قالو مالك متكتبو انت قاليه خطك حسن من خطي 

واحد المعلم سول تلميذ ما هو اصغر كوكب في الكون؟ فرد احدهم هو الكوكب المراكشي

هذا واحد شدوه البوليس قالوليه: اعطينا لاكارت قال ليهم: وشا ديال اتصالات ولا ميديتيل قالوليه: كتفلى علينا شدوه عطاوه واحد سلخة واعرة، ضربوه قالوليه: كيف جاتك التعبئة قال ليهم: مزيانة الحمد لله مانكانتش التعبئة مضاعفة

قاليك هادا واحد مني قرب لعيد معندوش باش يشري لحولي ,او جارو عاندو 6 ديال لحولا , نهار لعيد تافق هو اولدو باش يطلعو سطح ويدير بحال الا بغي يدبحو امني غادي يشوفه جيران غادي يبقى فيهم غادين يعيطوهم حولي ,دارو هادكشي لتافقو عليه هوما يطلو عليهم جيران من سطح هوا يفرح راجل , هو ينقز واحد قاليه غير دبحو دبحو راه باسل.

واحد الرجل سوّل مرتو: شحال من عام باش تزوّجنا؟

جاوباتو: 25 عام

كال ليها: كون قتلتك كون دابا خرجت من الحبس.

حمار قال لخطيبته: إيمتا غادي نتجوجو أ الحمارة؟
قالت ليه: حتى تعرف تهدر أ الحيوان

هادا واحد السقرام و تلاتة من خوتو حتاهوما سقرامة، تافقو يلاعبو غمايضة، كاليهم خوهم ليشديتو اللول يخلص 100 درهم و التاني 50 و التالث درهم واحد، و هاتشي من عام 1994 و لحد الآن كايقلب عليهم أو مازال مالقاهم، مشا برنامج مختفون و كاليهم ليلقا خوتي يكوليهم راه غير كانضحكو راه ماغايخلصو والو غير آجيو، شكون ليغايجمع شمل هاد العائلة السقرامة 

غالك هادا واهد السقرام غال لولدو :الا نجاحتي نعتيك قرعة ديال لمونادا. جا لولد نجح عتاه باه قرعة ديال لمونادا وا داري عامرو ماشرب لمونادا و بدا كايحشي سابعو فالقرعة هو يوحال ليه ،داه باه لطبيب ،هو يغول لي طبيب :عادنا 2 حولول ،يا اما نقاتعولو سابعو ،والا نهارسو القرعة ديال لمونادا ؟ جاوبو سوسي :قتع ليماه ياديه ،واشبغيتي ترزيني فلخاوي؟